މިއީ އައްޢައްލާމާ ޢަބްދުއްރަޙްމާން ބިން ނާޞިރު އައްސިޢުދީ ލިޔުއްވި ޤުރްއާނުގެ މި ފޮތަކީ އޭނާގެ ”ތައިސީރުލް ކަރީމުލް މައްނާން ފީ ތަފްސީރިލް ޤުރްއާން“ ނަމަކަށް ކިޔާ ތަފްސީރު ފޮތުގެ ބައެއް ބައިތައް ޚިޔާރުކޮށް މައުޟޫތަކަށް ބަހާލައިގެން ހުލާސާކޮށް ތަފްސީރުކޮށްފައިވާ ފޮތެކެވެ. މި ފޮތުގައި އޭނާ ވަނީ ކޮންމެ މައުޟޫއެއްގައި ވެސް ބައެއް އާޔަތްތައް ޚިޔާރުކުރުމަށް މަސައްކަތް ކުރައްވާފައެވެ. އެއީ ކިޔުންތެރިންނަށް ފަސޭހަވާނެ ގޮތަށެވެ. މި ފޮތަކީ ކުރު އަދި ޚުލާސާ ފޮތެއް ނަމަވެސް، މީގައި ވަނީ ޢާލަމްތަކުގެ ވެރި ރައްބުގެ ކަލާމްފުޅު ވިސްނައި ފިކުރުކުރުމަށް އެހީތެރިވެދޭ ކަންތައްތަކެވެ. އަދި މިއީ މައުޟޫޢީ ތަފްސީރުގެ މަންހަޖާ ގާތް ފޮތެކެވެ. މުސައްނިފު މި ފޮތުގައި ކޮންމެ މައުޟޫޢެއް ވަކިން އެއްކޮށްފައި ވަނީ ފަސޭހަކަމާއި ގާތްކަން ގެނެސްދިނުމަށާއި، އެއް ބާވަތެއްގެ މާނަތައް އެއް ތަނެއްގައި އެއްކުރުމަށެވެ.