ޢަޠާއު ރިވާކުރެއްވިއެވެ. މުއުމިންތަކުންގެ މައިކަމަނާ ޢާއިޝާ ގެ އަރިހަށް ގޮސް ސުވާލުކޮށް އުޅުނު ޒުވާނަކު އުޅުނެވެ. އެކަމަނާ އޭނާއަށް ޙަދީޘް ކިޔައިދެއްވައެވެ. އެއްދުވަހަކު، އެކަމަނާގެ އަރިހަށް ސުވާލު ކުރުމަށްޓަކައި އެ ޒުވާނާ އައުމުން ވިދާޅުވިއެވެ. ”އޭ ދަރިފުޅާއެވެ! މީގެ ކުރިން ތިމަންކަމަނާގެ ކިބައިން ތިބާ އަޑުއެހި ތަކެއްޗަށް ޢަމަލުކޮށްފިން ހެއްޔެވެ؟“ އޭނާ ދެންނެވިއެވެ. ”މަންމާފުޅާއެވެ. ﷲ ގަންދީ ބުނަމެވެ. ނޫނެކެވެ.“ ދެން އެކަމަނާ ވިދާޅުވިއެވެ. ”އޭ ދަރިފުޅާއެވެ! އަހަރެމެންނާއި ތިބާއާ ދެކޮޅަށް ﷲގެ ޙަޟްރަތުގައި ޙުއްޖަތްތައް ގިނަކުރަން ތިޔަ އުޅެނީ ކީއްވެގެން ހެއްޔެވެ؟“
އަލްޚަޠީބުލް ބަޣުދާދީ، އިޤްތިޟާއުލް ޢިލްމިލް ޢަމަލް (ނ: 92)